Técnico Auxiliar de Bibliotecas, Ayuntamiento de Vigo (Pontevedra)
- Fecha de publicación: 19-07-2010
- Titulación requerida: título de bachiller o técnico
- Plazo de presentación de solicitudes: pendiente de publicación
- PDF de la convocatoria BOP nº 136 19-07-2010
- Foro de la convocatoria
BOP nº 136 19-07-2010
I.—Número de prazas
1
II.—Características
Enmarcada no Grupo C, subgrupo C1; Escala,
Administración especial; subescala técnica; Clase,
auxiliar. Estará dotada coas retribucións básicas
que legalmente corresponden ao Subgrupo C1, e as
complementarias propias do posto de traballo ao
que resulte adscrita a praza do/a aspirante. Figurará
incluída no réxime de dedicación exclusiva.
III.—Sistema de selección
Establécese como sistema de selección o de oposición
libre
IV.—Condición das e dos aspirantes
Ademais das que figuran na base 4ª das xerais,
as e os aspirantes deberán estar en posesión do título
de Bacharelato Superior, FP II ou equivalente,
de conformidade co disposto na Orde
EDU/1603/2009, do 10 de xuño, pola que se establecen
as equivalencias cos títulos de graduado en
Educación Secundaria Obrigatoria e de Bacharelato,
regulados na Lei orgánica 2/2006, do 3 de maio,
de Educación.
V.—Exercicios da oposición
Constará de dous exercicios; un teórico e un
práctico, ademais dunha proba de coñecemento do
idioma galego.
Primeiro exercicio.—De carácter obrigatorio e
eliminatorio.
Consistirá en contestar por escrito, durante un
período máximo de dúas horas, a 4 temas elixidos
ao chou, dos que figuran como anexo a estas bases.
Un destes temas corresponderá ao primeiro apartado
do temas “A) Temas xerais” e o resto ao apartado
“B) Temas específicos”.
Neste exercicio valoraranse os coñecementos
sobre os temas expostos, a claridade e orde de
ideas, a facilidade de exposición escrita e a capacidade
de síntese.
Esta proba deberá ser lida obrigatoriamente perante
o órgano de selección, en sesión pública. Concluída
a lectura da totalidade dos temas o órgano
de selección poderá pedirlle ao/á aspirante calquera
explicación complementaria que considere oportuna.
Este exercicio puntuarase de cero (0) a dez (10)
puntos; é necesario para aprobar obter unha puntuación
mínima de cinco (5) puntos.
Segundo exercicio.—De carácter obrigatorio e
eliminatorio.
Consistirá na redacción por escrito dos asentos
bibliográficos de dous impresos durante un período
a establecer polo òrgano de selección, que formulará
o órgano de selección, inmediatamente antes do
comezo do exercicio, relacionados co contido do temario
específico e, relativos as tarefas propias da
praza. Durante o desenvolvemento desta proba as e
os aspirantes poderán, en todo momento, facer uso
da bibliografía acordada polo órgano de selección
na convocatoria deste exercicio. Os aspirantes deberán
expoñer este exercicio preante o órgano de
selección en sesión pública, se fosen requeridos
para iso. O órgano de selección poderá, ao final da
exposición, solicitarlle ao/á aspirante calquera
aclaración que considere oportuna, sobre o suposto
práctico desenvolvido.
Este exercicio puntuarase de cero (0) a dez (10)
puntos; é necesario para aprobar obter unha puntuación
mínima de cinco (5) puntos.
Terceiro exercicio.—De carácter igualmente
obrigatorio, aínda que o non superalo, non impedirá
o nomeamento.
Consistirá na realización dunha proba escrita de
coñecemento do idioma galego, que se realizará
conforme ao previsto na base 10ª das xerais que determinará
o órgano de selección co asesoramento
do Servizo de Normalización Linguística, e avaliarase
de 0 a 2 puntos.
O aspirante que non obtivese 1 punto como mínimo
nesta proba deberá participar no primeiro
curso de idioma galego que realice a Administración
autonómica (Secretaría Xeral de Política Lingüística
ou organismo autonómico competente) a
fin de obter a debida capacitación.
Estarán exentos da realización deste exercicio
os/as aspirantes que acrediten posuír o título
CELGA 3 ou equivalente homologado, segundo o
disposto na orde do de xullo de 2007, pola que se
regulan os certificados oficiais acreditativos dos niveis
de coñecemento da lingua galega (Anexo I), aos
que se lles asignarán 2 puntos.
A cualificación dos dous primeiros exercicios
será de 0 a 10 puntos; queda eliminado o/a aspirante
que non obteña cando menos 5 puntos en cada
un deles. A cualificación do terceiro será de 0 a 2
puntos, de acordo co previsto na base 10ª das xerais.
TEMARIO GENERAL
Tema 1.—Referencia aos principios xerais e contido
da Constitución Española de 1978 e do Estatuto
de Autonomía de Galicia.
Tema 2.—Organización e funcionamento da Administación
Xeral do Estado. Organización central.
Organismos públicos, organismos autónomos.
Entidades públicas empresariais.
Tema 3.—A Xunta de Galicia e o seu presidente. O
Parlamento de Galicia. Control parlamentario
da acción do Goberno. O Valedor do Pobo.
Tema 4.—O municipio. O termo municipal. A poboación.
Consideración especial do veciño. O empadroamento.
Tema 5.—Organización e competencias municipais.
Tema 6.—Dereitos e deberes dos empregados públicos
locais. Faltas e sancións. O procedemento
disciplinario.
Tema 7.—O procedemento administrativo local. O
rexistro de entrada e saída de documentos. Requisitos
da presentación de documentos. Comunicacións
e notificacións.
Tema 8.—Principios orzamentarios na Lei reguladora
de facendas locais.
TEMARIO ESPECÍFICO
(Os oito primeiros temas son os que figuran como anexo nas
bases xerais para o subgrupo C1)
Tema 1.—Concepto e misión da biblioteca. Clases
de bibliotecas.
Tema 2.—Bibliotecas estatais: concepto, funcións e
servizos.
Tema 3.—Bibliotecas públicas: concepto, funcións e
servizos.
Tema 4.—Bibliotecas universitarias : concepto, funcións
e servizos.
Tema 5.—Bibliotecas especializadas: concepto, funcións
e servizos.
Tema 6.—Adquisición de fondos. Procedementos de
incremento dos fondos bibliotecarios.
Tema 7.—Proceso técnico de fondos bibliotecarios:
catalogación, normalización e formato MARC.
Tema 8. .—Os catálogos. Concepto, evolución e tendencias
actuais de recuperación da información.
Tema 9.—Linguaxes documentais e indización.
Descritores, tesauros e encabezamentos de materias.
Tema 10. .—Sistemas de clasificación bibliográfica:
concepto e tipos de sistemas.
Tema 11.—Catálogos colectivos: concepto, fins e
elaboración.
Tema 12. .—Bibliotecas dixitais. Os metadatos. O
Dublin Core Metadata Initiative.
Tema 13.—Internet nas bibliotecas. Uso da www
para información e servizos. Portais bibliotecarios.
Tema 14.—Servizos ás e aos usuarios: orientación e
atención; información e referencia bibliográficas.
Tema 15.—Servizos de formación de usuarios, extensión
bibliotecaria e cultural.
Tema 16.—A colección local nas bibliotecas. Organización
e servizos.
Tema 17.—Acceso aos fondos bibliotecarios: consulta,
acceso directo, préstamo e préstamo interbibliotecario.
Tema 18.—Preservación e conservación dos materiais
bibliotecarios .
Tema 19.—A cooperación bibliotecaria en España.
Sistemas e redes.
Tema 20.—Organización bibliotecaria española.
Tema 21.—Organización bibliotecaria de Galicia.
Tema 22.—Organismos internacionais ao servizo
das bibliotecas e da documentación.
Tema 23.—Lexislación do Estado en materia bibliotecaria.
Tema 24.—Lexislación da Comunidade Autónoma
de Galicia en materia bibliotecaria.
Tema 25.—Evolución histórica da bibliografía.
Tipos de bibliografías.
Tema 26.—Fontes bibliográficas e documentais
para o estudo da cultura galega.
Tema 27.—A normalización da identificación bibliográfica.
ISBD, ISBN, ISSN e outros identificativos.
Tema 28.—Historia do libro en Galicia dende a invención
da imprenta ata o século XVIII inclusive.
Tema 29.—Historia do libro en Galicia nos séculos
XIX e XX.
Tema 30.—A lingua galega: normativa fundamental
para a súa utilización dentro da Administración
Pública.
Tema 31.—Situación social e cultural de Galicia.
As claves históricas e actuais.
Tema 32.—A edición e o mundo do libro na Galicia
actual.
