Auxiliar de Biblioteca, Ayuntamiento de Nigrán (Pontevedra)
- Titulación requerida: Graduado escolar ou equivalente
- Plazo de presentación de solicitudes: hasta el 29/11/2010
- PDF de las bases de la convocatoria del BO de Pontevedra de 10-08-2010
- PDF del anuncio de la publicacion de las bases DO de Galicia de 27-10-2010
- PDF del anuncio de la fecha de presentación de solicitudes BOE nº 271 de 09-11-2010
Bases de la convocatoria
BASES PARA A CONVOCATORIA DE CONCURSO –
OPOSICION PARA A PROVISION DUNHA PRAZA
DE AUXILIAR DE BIBLIOTECA EN RÉXIME DE
PERSOAL LABORAL FIXO
PRIMEIRA. —OBXECTO DA CONVOCATORIA
Selección dunha praza de auxiliar de biblioteca
en réxime de persoal laboral fixo dotada coa retribución
contida no orzamento municipal vixente no
actual exercicio, polo procedemento de concursooposición.
O proceso selectivo rexerase, ademais de por
estas bases específicas, polas bases xerais para a
selección de funcionarios e persoal laboral fixo do
Concello de Nigrán aprobadas polo Pleno do 26 de
xaneiro de 1996 e publicadas no BOP nº 67 de 3 de
abril de 1996.
SEGUNDA. —CLASIFICACION DA PRAZA
Denominación Auxiliar de Biblioteca. Grupo de
cotización 7.
TERCEIRA. —RETRIBUCIÓNS
As retribucións básicas e as complementarias
será a de persoal laboral fixo coa categoría profesional
de auxiliar e o número de horas de traballo
serán: 40 horas semanais.
CUARTA. —REQUISITOS XERAIS QUE DEBEN ACREDITAR OS ASPIRANTES
Os aspirantes deberán reunir, na data do remate
do prazo para a presentación de solicitudes, os seguintes
requisitos:
a) Posuír a nacionalidade española, sen prexuízo
do disposto no artigo 57 da Ley 7/2007,
del 12 de abril, del Estatuto Básico del Empleado
Público.
b) Ter cumpridos 16 anos de idade e non exceder
da idade máxima de xubilación.
c) Estar en posesión do título esixible ou estar
en condicións de obtelo na data de terminación
do prazo de presentación de instancias.
A citada titulación será o graduado escolar
ou equivalente.
No caso de titulacións obtidas no estranxeiro
deberase ter a credencial que acredite a súa
homologación.
d) Non padecer enfermidade nin defecto físico
ou psíquico que impida o desempeño das correspondentes
funcións sinaladas para o
posto.
e) Non ter sido separado, mediante expediente
disciplinario, do servizo de ningunha das administracións
públicas ou dos órganos constitucionais
ou estatutarios das Comunidades
Autónomas, nin encontrarse inhabilitado por
resolución xudicial para o exercicio de funcións
públicas.
f) Non estar incurso en ningunha das causas de
incapacidade ou incompatibilidade sinaladas
na lexislación vixente.
g) Os dereitos de exame ascenden á cantidade
de 20 euros e serán aboados na cta. de Caixanova
nª 2080 0052 29 0040007978 e o resguardo
do mesmo adxuntarase a instancia ou
solicitude presentada para tomar parte no
proceso selectivo. Os participantes que acrediten
a súa condición de desempregados,
terán unha bonificación do 75% sobre a tarifa
normal. Dita taxa será reintegrada ós interesados
que sexan excluídos definitivamente
da lista de admitidos.
Todos estes requisitos deberán ser xustificados,
sendo suficiente a aportación de copia compulsada
da documentación correspondente, e achegarse coa
solicitude presentada, ademais dos méritos alegados.
QUINTA. —PROCESO DE SELECCIÓN
(Concurso – Oposición)
5.1. —FASE DE CONCURSO
Baremo de méritos alegados: os aspirantes deberán
presentar copia compulsada da documentación
acreditativa dos méritos alegados, valorándose segundo
se establece no seguinte baremo:
A) Formación profesional. — Só se valorarán os
cursos/xornadas de formación que versen sobre
materias directamente relacionadas coas funcións
propias do posto convocado, sempre que os cursos
foran impartidos por unha Administración Pública,
un Centro Oficial de Formación, Sindicatos, Colexios
Profesionais, Asociacións de Empresarios ou
unha institución homologada para impartir formación
profesional continua, e segundo o establecido
no seguinte baremo:
a) Con duración igual ou superior a 60 horas
lectivas: 0,3 puntos.
b) Con duración de 30 a 59 horas lectivas: 0,2
puntos.
c) Con duración de 10 a 29 horas lectivas:0,1
puntos.
Os méritos alegados neste apartado acreditaranse
mediante copia compulsada da realización dos
mesmos.
A puntuación máxima por este apartado non
poderá superar os 2 puntos.
B) Experiencia profesional.— Os servizos prestados
acreditaranse mediante certificado orixinal
do órgano da administración pública competente e
a correspondente vida laboral expedida pola Tesourería
da Seguridade Social. Puntuaranse da seguinte
forma:
Por cada mes completo de servizos prestados na
administración pública en posto da mesma categoría
ou superior:
a) 0,10 puntos / mes completo de servizos prestados
na Administración local.
b) 0,05 puntos / mes completo de servizos prestados
noutras administracións públicas.
A asignación da puntuación por servicios prestados
mediante contrato a tempo parcial na administración
pública, farase de forma proporcional
respecto da puntuación fixada para xornada completa.
A puntuación máxima por experiencia profesional
non poderá superar os 5 puntos.
C) Coñecemento da lingua galega. Só se valorará
o nivel superior acreditado e só se dará validez aos
cursos ou titulacións expedidas ou homologadas
polos organismos correspondentes da Xunta de Galicia.
A estes efectos estarase, ademáis, ao previsto
na Orde do 16 de xullo de 2007 pola que se regulan
os certificados oficiais acreditativos dos niveis de
coñecemento da lingua galega (CELGA).
— CELGA 1 ou titulación equivalente: 0,20
puntos.
— CELGA 2 ou titulación equivalente: 0,40
puntos.
— CELGA 3 ou titulación equivalente: 0,60
puntos.
— CELGA 4 ou titulación equivalente: 0,80
puntos.
— CELGA 5 ou titulación equivalente: 1 punto.
A puntuación máxima por coñecemento de lingua
galega será de 1 punto.
5.2. —FASE DE OPOSICIÓN
A) Primeiro exercicio: obrigatorio e eliminatorio,
consistirá en contestar por escrito, no tempo
máximo de 120 minutos a dous temas, elixidos ochou, dos correspondentes ó programa que figura
no Anexo. Este exercicio valorarase de 0 a 10 puntos
sendo necesarios 5 puntos para superalo.
B) Segundo exercicio: práctico, obrigatorio e eliminatorio
que consistirá na realización dun exercicio
completo de catalogación informatizada, no
programa de xestión de bibliotecas denominado
Proxecto Meiga, de tres libros elexidos polo tribunal.
A duración do exercicio será de 60 minutos.
Este exercicio puntuarase de cero (0) a quince (15)
puntos sendo necesario para aprobar obter unha
puntuación mínima de oito (8) puntos.
C) Terceiro exercicio: obrigatorio e eliminatorio,
sobre coñecemento do idioma galego, que consistirá,
a elección do tribunal, na redacción dun informe
ou texto, ou nun ditado ou diálogo en relación
coas funcións do posto durante un máximo de 30
minutos. Neste exercicio valorarase a corrección
gramatical e estilística, así como o emprego dun léxico
adecuado ao tempo exposto.
Este exercicio puntuarase como apto ou non
apto.
Estarán exentos de facer o exercicio todos aqueles
aspirantes que acrediten estar en posesión do
curso de perfeccionamento de Galego, equivalente
ou superior. Obtendo a cualificación de apto.
SEXTA. —SOLICITUDES
As persoas que desexen tomar parte nas probas
selectivas convocadas deberán facelo mediante instancia
dirixida ao Sr. Alcalde. A instancia deberá
de conter, polo menos, os datos persoais do solicitante
coa súa dirección, achegando fotocopia do
DNI así como a documentación acreditativa dos requisitos
e méritos alegados. Os méritos non xustificados
na documentación que se achega á instancia
solicitando tomar parte no concurso- oposición non
serán tidos en conta.
O prazo para a presentación de solicitudes será
de 20 días naturais, contados a partir do seguinte á
publicación da convocatoria xunto coas presentes
bases no Boletín Oficial da Provincia.
A presentación das solicitudes poderá facerse no
rexistro xeral de documentos do Concello, ou en
calquera das formas establecidas no art. 38.4 da
Lei 30/92, de Réxime Xurídico das Administracións
Públicas e do Procedemento Administrativo
Común. Os aspirantes que non presenten as solicitudes
directamente no rexistro xeral do Concello
deberán comunicalo por telegrama, fax, ou outro
medio no mesmo día da súa imposición.
SETIMA. —ADMISIÓN DE PARTICIPANTES
Rematado o prazo de presentación de solicitudes
a Alcaldía ditará decreto aprobando a lista provisional
de admitidos e excluídos, expresando as causas
de exclusións. Esta resolución publicarase no
taboleiro de anuncios da Casa do Concello. A resolución
establecerá, a efectos de subsanación de defectos
ou omisións, e mesmo de reclamacións, un
prazo de 5 días contados a partir do seguinte ao da
publicación sinalada. Os erros de feito poderán enmendarse
en calquera momento de oficio ou a pedimento
do interesado.
Posteriormente, mediante Decreto da Alcaldía
se aprobará a lista definitiva de admitidos e excluídos,
se procederá á designación dos membros do
tribunal cualificador, e se convocará aos aspirantes
admitidos mediante a publicación do devandito decreto
no taboleiro de anuncios da Casa do Concello.
OITAVA. —COMPOSICIÓN DO TRIBUNAL
O Tribunal Cualificador, de conformidade co establecido
no artigo 60 da Lei 7/2007, de 12 de abril,
do Estatuto Básico do empregado público, estará
formado por:
— Presidente/a: Un funcionario/a designado
pola Alcaldía,con voz e con voto.
— Secretario/a: Un funcionario/a designado
pola Alcaldía,con voz e sen voto.
— Vocais: Catro funcionarios/as designados/as
pola Alcaldía,con voz e con voto.
Por cada membro do Tribunal designarase un
suplente. A pertenza aos órganos de selección será
sempre a titulo individual, non podendo ostentarse
esta en representación ou por conta de nadie. Tódolos
membros do Tribunal Cualificador deberán posuír
titulación ou especialización iguais ou superiores
ás esixidas para o acceso á praza convocada.
O tribunal poderá dispoñer a incorporación de
asesores a prestar colaboración na súas especialidades
técnicas, tendo voz pero non voto.
NOVENA. — INCIDENCIAS
O Tribunal deste proceso selectivo queda facultado
para a interpretación das bases da convocatoria,
así como para resolver cantes dúbidas e incidencias
prantexe a súa aplicación, a cuxo efecto
poderá adopta-los acordos necesarios procurando a
boa orde e desenvolvemento do proceso selectivo.
UNDÉCIMA. RECURSOS PROCEDENTES
As bases da convocatoria e cantos actos administrativos
deriven das mesmas e das actuacións do
Tribunal poderán ser impugnadas polos interesados
ante o órgano da xurisdicción contencioso- administrativa
competente, conforme á Lei 29/1998, do
13 de xullo, reguladora da Xurisdicción Contenciosa-
Administrativa, no prazo de dous meses, contados
dende a data do día seguinte da última publicación
destas. Asimesmo, poderá presentarse o recurso
potestativo de reposición ante o Sr. Alcalde-
Presidente, no prazo dun mes a contar dende a
mencionada publicación, ou calquera outro recurso
que se considere procedente, conforme ao establecido
na Lei 30/1992, do 26 de novembro, Réxime
Xurídico das Administracións Públicas e do Procedemento
Administrativo Común.
A N E X O, Temario
1. A Constitución Española de 1978. Estrutura
e principios xerais.
2. O Estatuto de Autonomía de Galicia. Estrutura
e principios xerais.
3. Lei 30/1992, de 26 de novembro, de Régimen
Xurídico das Administracións Públicas e do
Procedemento Administrativo Común: Ámbito
de aplicación e principios xerais. Sometemento
da administración a lei e o dereito.
Acto administrativo: concepto, elemento e
clases.
4. Lei 7/2007, de 12 de abril, do Estatuto Básico
do Empregado Público: Obxecto e ámbito
de aplicación. Clases de persoal ao servizo
das administracións públicas. Dereitos individuais
dos empregados públicos. Dereitos
retributivos.
5.Lei 7/1985, de 2 de abril, Reguladora das
Bases do Réxime Local: O municipio: concepto
e elementos. Organización municipal:
tipos de órganos do Concello. As competencias
municipais.
6.Lexislación bibliotecaria. Lei 14/1989 de bibliotecas
de Galicia e o seu desenvolvemento.
7.Tipoloxía das bibliotecas: características e
funcións das bibliotecas. As bibliotecas públicas.
8.As seccións especiais nas bibliotecas: publicacións
periódicas, fonoteca, materiais audiovisuais
e publicacións electrónicas
9.Sección infantil e xuvenil. A animación á
lectura
10.Servizos aos lectores: información, préstamo
e función de referencia
11.Buscas e recuperación da información
12.Proceso Técnico dos fondos bibliográficos.
Rexistro e Selado. Ordenación. Sinatura.
13.A Catalogación. Elaboración e mantemento
de catálogos.
14.A Catalogación informatizada. Catalogación
no programa de xestión “Proxecto Meiga”.
Envio de datos ao catálogo da Rede de Bibliotecas
de Galicia.
15.Principais sistemas de Clasificación Bibliográfica.
A Clasificación Decimal Universal.
Encabezamentos de Materias.
16.Normalización no almacenamento, difusión e
intercambio da información bibliográfica. O
Formato Marc.
17.A Normalización da identificación bibliográfica.
ISBN e ISSN.
18.Novas tecnoloxías aplicadas ás bibliotecas.
Internet. O Opac
19.A biblioteca pública municipal de Nigrán.
20.O Concello de Nigrán: propostas de desenvolvemento
socio - cultural.
